Sulmohet me armë gjatë natës patrulla e policisë në Tiranë

15:05 | 20 Shtator 2017
Arbresh.info

Një sulm me armë ndaj patrullës së policisë është konsumuar disa ditë më parë në Tiranë. Lajmi është mbajtur i fshehtë për mediat, por Lapsi.al mësoi se ka qenë patrulla e policisë së Komisariatit Nr.6 në kryeqytet që është sulmuar me breshëri Kallashnikovi dhe të shtëna me pistoletë.

Informacionet për ngjarjen janë të pakta, por burimet thanë se personat që sulmuan policinë kanë qenë duke grabitur një makinë. Në momentin që patrulla e policisë është afruar dhe ka bërë thirrje personave të paidentifikuar të ndalojnë, ata i janë përgjigjur duke qëlluar me armë.

Të kapur në befasi, edhe efektivët e policisë janë përgjigjur duke qëlluar me armë. Fatmirësisht nga shkëmbimi i zjarrit nuk ka pasur viktima. Mësohet se personat që kanë qëlluar ndaj policisë kanë qenë 3 vetë dhe kanë arritur të largohen, duke përfituar nga errësira./Lapsi.al

Shpërndaje në rrjete sociale

Lajmet më të lexuara

Të ngjashme

Foto lajm